Litratong Pinoy
Litratong Pinoy: Lotus Flower
Heto ang kulay rosas na Lotus Flower na aming nakita sa Lotus Garden na matatagpuan sa Puerto Princesa, Palawan. Dito kami nagpalipas ng ilang gabi habang kami ay nagbabakasyon sa Puerto Princesa kasama ang aking mga magulang, kapatid, asawa, anak, at dalawang kaibigan.
Ang Palawan ay isang magandang lugar na masarap balik-balikan. Sa katunayan, noong nakaraan taon ay dalawang beses kong nakita ang ganda ng Palawan. Una ay sa Coron noong Setyembre kasama ang aking mga ka-oposina, at pangalawa ay sa Puerto Princesa noong Nobyembre naman. At ngayong taon na ito, El Nido naman ang aming pupuntahan. 
Litratong Pinoy: Kayumanggi
Salamat at nagkaroon muli ako ng pagkakataon upang makalahok sa linggo-linggong challenge ng Litratong Pinoy.
Heto ang aking lahok para sa linggong ito na may tema na KAYUMANGGI.
Ito ang aking nilutong pansit noong isang araw para sa aking tanghalian. Nagustuhan ito ng aking mag-ama. 
Aking ilalathala ang paraan ng pagluto nito sa aking food blog.
LP: Gusto
Ito ay koleksyon ng mga “die-cast characters” mula sa pelikulang “CARS The Movie” ng aking anak. Pinapakita nito kung gaano nya kagusto ang pelikulang ito lalo na si Lightning McQueen kaya kung ilang ulit na namin napanood ang pelikulang ito sa DVD.
At ito naman ang pinakabagong karagdagan sa kanyang koleksyon: Isang set ng “kiddie bed” na maydisenyong Lightning McQueen.
LP: Tawid
Ito ay larawan ng isang bangka na tumatawid ng dagat isang dapit-hapon sa Pundaquit, Zambales. Isa ito sa pinakamagandang dapit-hapon na aking nasaksihan sa tabing dagat. Inyo ding natatanaw ang mga isla ng Capones at Camara.
LP: Teknolohiya
Para sa akin, ito ang isa sa mga pinaka-kapaki-pakinabang na teknolohiya na naimbento. Ito ang Continuous Ink System. Ito ay ikinakabit sa printer ng inyong computer. Lubhang popular ito dito sa Pilipinas dahil malaki ang matitipid sa pag gamit nito dahil hindi mo na kailangang bumili ng mga “genuine” ink na lubhang napakamahal. Ipinakabit namin ito para magamit sa aming mga pag-piprint dahil nga pasukan na naman, tiyak na marami na naman kaming kailangan i-print para sa mga takdang aralin ng aming butihing estudyante.
